Pinasingkedan ni committee co-chair ken Surigao del Norte Rep. Robert Ace Barbers a ti asawa ni dati a presidential spokesperson Harry Roque ket nakapanawen iti pagilian a nagturong idiay Singapore iti baet ti imbestigasion ti quad committee ti House of Representatives maipapan iti mapapati a pakainaigan ti agassawa kadagiti Philippines offshore gaming operators.
Segun kenni Barbers, umuna pay laeng a lawas ti September ket nakapanawen ni Myla Roque ditoy pagilian.
Nangipaulog ti quad committee idi rabii ti Huebes iti show-cause order ken ni Myla nga asawa ni Roque a tapno umatendar iti panel’s hearings maipapan kadagiti aktibidad dagiti POGO.
Maysa ni Myla Roque kas incorporator ti Lucky South 99, maysa nga illegal a POGO hub idiay Porac, Pampanga, ken nagpirma iti lease contract para iti maysa a pagtaengan idiay Tuba, Benguet a nakakemmegan ti dua a Chinese nationals nga adda pakainaiganna iti POGO.
