Kinablaawan ni US Pres. Donald Trump dagiti uppat nga astronaut iti Artemis II kalpasan iti balligi a misyonda iti aglawlaw iti bulan ken natalged nga splashdown-da iti kabaybayan nga asideg ti San Diego, California.
Segun ken ni Trump, spectacular iti intero a biahe ken perfect iti nagbalin a landing ti Orion spacecraft.
Ipannakkelna dagiti crew a da Reid Wisemen, Victor Glover, Christina Koch, ken Jeremy Hansen, ken inimbitaranna ida a bumisita iti White House iti kabiitan a panawen.
Innayonna a planona nga uliten ti misyon ket ti sumaruno a target ket iti planeta a Mars, kagiddan ti agtultuloy a suportar iti gobierno iti programa nga Artemis iti NASA.
Ti Artemis II ket nakaimaldit iti baro a rekord a kaadaywan a distansya a nadanon ti tao manipod iti lubong, nga umabot iti 400,000 a kilometro ken nangted iti ladawan nga ala manipod iti lunar orbit pakairamanan iti “Earthset”.
