Inwaragawag ti International Criminal Court (ICC) nga amin nga apkilasion para iti arrest warrant wenno summon ket agtalinaed nga “under seal” wenno confidential, kas paset ti standardization ti proseso ti korte.
Segun iti Regulation 23 ter, amin nga aplikasion manipud iti Office of the Prosecutor (OTP) ket limed malaksid no palubosan ti korte nga iruar dagiti impormasion.
Nopay kasta, adda discretion iti Kamara, pakairamanan ti Pre-Trial Chamber I nga agdama a mangig-iggem iti kaso ni dati a presidente Rodrigo R. Duterte, a mabalin nga ipakaammo iti publiko ti warrant, tapno malappedan ti krimen wenno mapapardas ti pannangkemmeg.
Maipatulod ti baro a regulasion iti 125 a kameng ti Rome Statute para iti komento iti uneg ti innem a bulan, ken agtaltalinaed nga epektibo no awan ti mangkontra.
Segunj ken ni ICC-accredited lawyer Kristina Conti, mabalin nga ag-apply ti baro a pagannurotan iti kas oni Senador Ronald “Bato” Dela Rosa, a mapapati a target ti arrest warrant iti akemna iti Oplan Tokhang,
Impaganetget ti ICC a ti panangilimed ti aplikasion ket saanna kayat a saoen nga akusaran ti maysa a tao, ken ti nasao a pagannurotan ket paset ti panangurnos ken panangpasayaat ti proseso ti korte. Augie Arellano
