Intantan ti Sandiganbayan Third Division ti arraignment ni dati a Senador Bong Revilla ken dagiti 6 a co-accused iti kaso a malversation mainaig iti P92.8 million a mapapati a ghost flood control project idiay Pandi, Bulacan.
Karaman kadagiti akusado dagiti engineer a da Brice Hernandez, Jaypee Mendoza, Arjay Domasig, Emelita Juat, ken dadduma pay a kameng ti DPWH Bulacan First District Engineering Office a da Juanito Mendoza ken ni Christina Pineda.
Segun iti Sandiganbayan, kasapulan ti referral gapu ta adu ti mosyon ken petisyon a naipasa ita nga aldaw, Enero 23.
Karaman ditoy ti mosyon ti kampo ni Revilla a mayakar iti Camp Crame ken ti kampo ni Juan a nagkiddaw a mayakar idiay Bulacan Provincial Police Office a pinagkedkedan met ti korte gapu ta adayo iti Sandiganbayan.
