--Ads--
Awan ti nadunor iti napasamak nga aksidente iti national highway ti Sta. Lucia, Narvacan, Ilocos Sur kangrunaan iti sangwanan ti Partas Bus Terminal.
Ti Armored van ket minaneho ti lalaki nga agtawen iti duapulo ket pito, agnaed iti Badoc, Ilocos Norte.
Ti met bus ket minaneho ti lalaki nga agtawen iti tallopulo ket uppat, agnaed iti San Juan, La Union.
Agpapa-abagatan ti armored van idinto a ti bus ket nakaparking iti laud a paset ti kalsada, nakasango iti abagatan ken adda naikabil nga early warning device ti bus.
-- ADVERTISEMENT --
Saan a natantsa ti drayber ti armored van ti kaadayona isu a nasagidna ti bus.
Gapu dayta ket natukkol ti side mirror iti driver’s side ti bus idinto nga awan ti nadadael iti armored van.
