VIGAN CITY – Maisayangkat ditoy probinsia para kadagiti agar-arapaap nga agbalin a kameng ti Philippine Army ti Armed Forces of the Philippines Service Aptitude Test.
Iti pannaki-uman ti Bombo Radyo Vigan kenni SSgt. Rose Caba, kadagiti interesado nga umili nga agkalkalikagum ken graduate iti uppat a tawen a kurso, natural born filipino citizen, single, 5ft para iti babbai ken lallaki, agtawen dua pulo ket maysa agingga dua pulo ket pito ken awan kaso na a mabalin da nga agapply iti Philippine Army.
Maisayangkat iti screening kadagiti aplikante inton August 25 ken 26 idiay 102nd CDC, Camp Elpidio Quirino, Brgy. Bulag, Bantay ken inton August 27 ken 28 maaramid ti Armed Forces of the Philippines Service Aptitude Test ken August 29 ket Army Qualifying Examination ken Special Written Examination idiay University of the Philippines.
Amin nga eksminasyon ket maaramid ditoy probinsya ta saanen a masapol a rummuar ken aggastos dagiti aplikante nga interesado.
Kabayatanna inawis ni MSgt. Roger Quilon dagiti umili nga interesado nga agapply iti armada a dakkel a mangtulong a pagtalinaeden ti linak ken talna.
