Arlene Muhlach, nagturpos iti kolehio iti tawenna a limapulo ket lima

Naragsak nga imbingay ti aktres a ni Arlene Muhlach ti panagturposna iti kolehio iti tawenna a limapulo ket lima.

Naisayangkat ti graduation rites iti Philippine International Convention Center ken isuna laeng ti nagturpos iti kurso a Bachelor of Arts in Communication manipud iti Philippine Women’s University.

Segun ken ni Arlene, nagsardeng iti 3^rd year college para iti karerana iti showbiz ken iti pamiliana.

Nagyaman met kadagiti professor ken kaadalanna iti Expanded Tertiary Education Equivalency and Accreditation Program gapu iti panagtalekda iti kabaelanna.

Adu pay dagiti nangkablaaw kenkuana a kakaduana iti showbiz industry.