Statement ni Fr. Socrates Villegas inaig ti pangta ti China
VIGAN CITY – “Ti kaadu dagiti grupo a menmentenarenna, ken kabaelanna nga agibaon, uray iti pangtiktik ken kadagiti armaid nga kumontra ket saan nga mailibak kadagiti tattao nga makakitkita ken makang-kangeg kadagiti damag a makapadanag.
Ipakpakita ti peoples republic of china nga awan ti panagbuteng ket awan a pulos pangduduana nga mangasideg kadagiti teritoryo ti pagilian.
Kauddian a garawna nga kumarit / mangprobokar kadagiti philippine coast guard vessels idiay paset ti escoda shoal, nga adda iti uneg ti philippine exlusive economic zone. Saan laeng nga nagari-arida iti marime zone ket pinapanawda pay dagiti mangalap kadagiti pagkalapanda. Nadadael dagiti maritime environment ta simrek ti china ket ginandatda a pagbalinen nga isla ken militarized platforms.
Mismo nga iti uneg ti pagilian mismo a taeng ti posibilidad a naserrek tayon dagiti tattao a tangtangdanan ti beijing ken adda filipino nga immat iti pabor iti naduma-duma a langa ket babaen dayta inpanda ti waya-waya iti delikado a kasasaad.
Kadagiti naaramid nga ivenstigasyon ti agpada a kamara de representate, ken senado nalawag a nakita ti awan panangikaso no di man criminal nga aramid dagiti opisiales ti gobierno, ket saan a nakakakasdaaw a dagiti gangannaet a dakes ti panggepda ket malaalada ti papeles a mangipalubos a saan laeng a sumrek no di ket agnaed da payen ditoy pagilian, ket iyallilawda payen ti bagida a natural born filipino citizens ket maka-qualify da nga agkandidato kadagiti public offices.”
