Nadutokan ni Archbishop Gilbert Garcera idiay Lipa kas baro a presidente iti Catholic Bishops’ Conference of the Philippines bayat ti maika-130 Plenary Assembly iti CBCP idiay Anda, Bohol.
Ni Garcera ti mangsukat ken ni Cardinal Pablo Virgilio David iti Kalookan a maleppas iti maikadua a terminona inton November 2025.
Pormal nga agtugaw ni Garcera iti posisyon inton December 1, 2025 para iti maikadua a tawen ti terminona.
Naipangsangay ni Bishop Garcera idi February 2, 1959 idiay Magarao, Camarines Sur.
Na-ordain kas padi idi 1983 para ti Archdiocese of Caceres ken nagbalin nga Obispo iti Daet manipod 2007 agingga 2017.
Nadutokan kas Archbishop iti Lipa idi 2017 nga addaan iti nasurok 3.3 million a katoliko iti masakupanna.
Nagserbi pay a chairman ti CBCP Commission on Mission ken Commission on Family and Life, ken nagbalin a paset iti CBCP Permanent Council kas mangibagi iti Southeast Luzon.
Kas baro a mangidaulo ti CBCP, manamnma nga idauluan ni Garcera dagiti Obispo kadagiti isyu ti moral, pastoral, ken social.
