VIGAN CITY – Arapaap nga ag-topnotcher iti maysa kadagiti cum laude a nakapasa iti University of Northern Philippines iti kalkalpas a 2022 Nursing Licensure.
Iti pannaki-uman ti Bombo Radyo Vigan ken ni Dazele Ann Ataup Recaido a taga-Salindeg, Vigan City, pressure kenkuana iti panagbalinna a cum laude idi nagturpos isu nga inaramidna iti amin tapno makapasa babaen ti panangigaedna iti nag-review.
Segun ken ni Recaido, nu marigatan idi ti panagreviewna ket panpanunotenna a kayatna iti agbalin nga RN ken ag-topnotcher tapno adda manen ti pigsa.
Inlawlawagna a narigat a talaga ti examda ngem nagkarkararag ken inkarigatanna a sinungbatan iti exam ket napalaus ti danagna idi nalpas ta amangan nu saan a makapasa.
Idi yur-uraydan ti resulta ket napalaus ti danag ken anxiety-na ngem inkarigatanna nga iyaw-awan ti nerbyosna agingga itay bigat ket naamoannan a nakapasa ken top 10 pay isuna.
VOICE OF DAZELE ANN ATAUP RECAIDO
Malaksid ken ni Recaido ket Top 9 met laeng iti isu nga exam ni Xyna Rose Visoria Prades a nagbasa met laeng manipod University of Northern Philippines.
Iti sabali pay a bangir, makasangit met iti ragsak ti maysa met laeng a cum laude manipod University of Northern Philippines a nakapasa iti NLE ta nariing laeng isuna iti damag a nakapasa.
Segun ken ni Shrinnea Sophia Galimba, bayat ti panagreview-da ket adu manen ti nasursuroda ken arigna na-compress iti inadalda iti uppat a tawen.
Napalaus iti danagna idi yur-urayda iti resulta exam ta idi reviewda ket nababa iti maal-alada isu nga inkarigatanda iti nagsakripisyo para iti pannakapasada.
VOICE OF SHRINNEA SOPHIA GALIMBA
