VIGAN CITY – Arapaap a talaga ni Jeency Pilapil nga ag-Top 1 ti March 2024 Medical Technologist Licensure Examination isu a napalaus ti panagyamanna iti Namarusa ta nagun-odna ti kalikagumna.
Iti pannaki-uman ti Bombo Radyo Vigan ken ni Pilapil a nagadal manipod Cebu Doctors University, nagbalin a gamengna iti panag-review ti kalikagumna nga agbalin a topnotcher isu a napalaus ti ragsakna ita a nagun-odna.
Segun kenkuana, sinaganaanna ti eksaminasyon ngem aminado a narigat ta arigna amin a naadalda manipod 1st year agingga 4th year iti kursoda ket rimmuar.
Nupay kasta, nu saan a sigurado ti sungbatna ket nagkarkararag latta para ti pannakapasana.
Saan nga inarapaap ni Pilapil ti agbalin a medical technologist ngem gapu ta Medical Technology ti kurso nga innala ti gagayyemna idi nag-enroll da ket ket isu metten ti innalana agingga a nagustoanna ken intultuloynan.
Nagbalin nga inspirasyonna ti Namarsua, pamilia ken gagayyemna para ti panangragpatna ti arapaapna nga agtopnotcher.
VIDEO – REGISTED MEDICAL TECHNOLOGIST JEENCY PILAPIL
