VIGAN CITY – Pinalagipan ni Dr. Trina Talaga, Chief of Hospital iti Ilocos Sur Provincial Hospital Gabriela Silang a rumbeng a pasakbayan dagiti locally stranded individual ken dagiti authorized person outside residence a mapan agpa- RT PCR test.
Iti pannaki-uman ti Bombo Radyo Vigan ken ni Talaga, nasursurok ngem tallo nga aldaw sakbay a maalada ti resulta nga isu ti maysa kadagiti kasapulan a maiparangda tapno makastrekda ditoy probinsia.
Binalakadanna dagiti umili a pilienda dagiti otorisado a pasilidad a mabalinanda a dumalanan iti testing a kas koma dagiti laeng Department of Health accredited molecular laboratory nga isu ti rumbeng a pagtalkanda.
Numan pay adda ti bassit a pannakataktak ti panagalaan ti resulta dagiti dimmalan iti RT –PCR test ket agtultuloy ti panangbantayda tapno nadardaras a maipatulod kadagiti nagpa-test.
Kabayatanna, saanen a maimandato kadagiti LSI wenno APOR a dumalan iti quarantine period no dagiti naggapuanda a lugar ket saan nga apektado iti Covid19.
