Aplikasyon para ti Mr. & Ms. Vigan 2025, nailukaten

Inlukaten ti aplikasyon ti Vigan City Local Government para kadagiti mangayat a sumali iti Mr. and Ms. Vigan 2025.

Tapno sumali ket masapul a ti aplikante ket bonafide residente iti Vigan, agtawen iti sangapulo ket walo agingga duapulo ket lima, at least 5’5” iti katayagna para kadagiti lallaki idinto nga at least 5’4” kadagiti babbai.

Nabilin dagiti agaply a mangala ti application form iti City Events Promotion and Protocol Office (CEPPO), a masarakan iti 2nd floor iti Vigan City Hall, ken agipasa iti endorsement letter manipod iti mangidaulo ti cluster Barangay ken Certificate of residency a pinirmaan ti Barangay Captain.

Innayon ti gobierno siudad nga inton January 10, 2025 iti deadline iti aplikasyon.