VIGAN CITY – Inyatiddug ti Civil Service Commission – Ilocos Sur Field Office ti aplikasyon para iti Civil Service Examination Pen and Paper Test agingga inton bigat, Enero 5gapu ta adu dagiti nagkanselar iti appointment-da.
Ti exam ket maisayangkat inton Marso 3, 2024 idiay Ilocos Sur National High School.
Iti pannaki-uman ti Bombo Radyo Vigan ken ni Director Marina Cabañero, ilukatda latta ti aplikasyon agingga a saan pay a naibus ti slot.
Dagiti interesado nga agapply ket kasapulanda iti aglog-in ti OCSEAS ta isu ti pangalaanda iti slot ken pangilanadanda iti impormasyonda.
Masapul pay met ti uppat a piraso ti kopya ti passport size picture a white ti background-na a masapul ket high quality, adda nametag-na, application form, PHP500 nga application fee.
Impalagip pay ni Cabanero a no aldaw iti exam ket saanda a lipaten ti ID da nga imparangda met laeng idi nagapply-da ken ballpen.
