Pinasingkedan ni House Committee on Suffrage and Electoral Reform Chair ken Lanao Del Sur Rep. Zia Alonto Adiong a target a mairaman ti Anti-Political Dynasty iti State of the Nation Address ni Presidente Ferdinand Marcos Jr inton Hulyo.
Ikagumaanda nga agbalin daytoy a linteg sakbay ti session break ti Kongreso ita a Marso para iti panangrambak iti Semana Santa tapno maipanen idiay Malakanyang para iti approval ti presidente.
Inyunay-unay ni Adiong a ti Anti-Political Dynasty Bill ket karaman kadagiti kangrunaan a prayoridad ti Legislative Executive Development Advisory Council wenno LEDAC isu nga al-alistwanda.
Innayon ti kongresista a kalpasan ti public consultation mainaig iti gakat ita nga aldaw iti University of the Philippines idiay Cebu City a dinar-ayan dagiti mangibagi manipud iti nadumaduma a sektor.
