Maipagarup a pinagkedkedan dagiti kongresita iti House of Representatives a permaan ti bersion ti Senado nga i-institutionalize ti Assistance to Individuals in Crisis Situations (AICS).
Daytoy ket gapu iti probision a mangiparit kadagiti opisial ti gobierno a makipaset iti panangipaay ti ayuda.
Segun ken ni Senador Erwin Tulfo, naaddaan ti deadlock wenno saan a panagtutunos gapu iti kontrobersial nga anti-epal provision.
Gagem ti nadakamat a probision a maliklikan ti panagaramat ti ayuda iti politika wenno patronage a nabayagen nga isyu ti implementasion ti programa.
Pinasingkedan pay ni senador Tulfo a nalawag iti probision a maiparit kadagiti nabotosan nga opisial wenno ti direkta a manipaay ti tulong pinansyal manipud iti Department of Social Welfare and Development.
