Nagpalagip ti Animal Kingdom Foundation iti publiko a liklikan ti agpaputok ita a tiempo manen ti holiday gapu kadagiti saan a nasayaat nga epektona kadagiti dingwen.
Iti pannaki-uman ti Bombo Radyo Vigan ken ni Atty. Heidi Caguioa, sensitibo ti panagdengngeg dagiti dingwen ket no makangngegda iti kas kadagiti uni ti paputok ket mabalin a mangitunda kadakuada iti trauma ken stress.
Innayon ni Caguioa nga adu kadagiti dingwen nangruna kadagiti stray animal ti makapadpadas iti kastoy a sitwasyon, banag a saan a natalged kadakuada.
Uray pay ti asok ti paputok ket dakes met laeng kadakuada.
Balakadda kadagiti pet owner nga ipanda iti uneg ti pagtaengan dagiti tarakenda no adda dagiti agpaputok ken mabalin ti agpatukar tapno saan unay a nakapokus dagiti dingwen iti napigsa ken makatitileng nga uni dagiti paputok.
