Angeline Quinto, nakaituding nga agturpos iti kolehio inton Hunyo

Naragsak nga imbingay ni Angeline Quinto nga agturposen iti kolehio inton Hunyo.

Ilimlimed ni Angeline iti asawana a ni Nonrev Daquina ken pamiliana ngem kellaat nga adda nangkablaaw kenkuana iti maysa nga event a dinar-ayanna.

Segun ken ni Angeline, nangala isuna ti Business Management, Major in Marketing iti Immaculada Concepcion College.

Innayonna a nagbalin a karit kenkuana iti panangbalanse iti oras ti pamilia, panagadal ken singing career-na.