Nakemmeg dagiti social media influencers a da Andrew Tate ken kabsatna a ni Tristan Tate idiay Miami kalpasan a nagipila dagiti British prosecutor ti kabaroan a kaso nga adda pakainaigan iti panagrames ken sex trafficking, kas pinasingkedan ti US ken UK.
Kinumpirmaran ti US Marshals Service a naidalan iti kustodiyada dagiti agkabsat idiay Miami.
Segun ti Crown Prosecution Service (CPS) iti United Kingdom, dagiti reklamo ket mapapati nga adda pakainaigan ti sexual offense kontra iti uppat a babbai a napasamak iti nagbaetan iti July 2010 ken August 2017.
Ni Andrew Tate, agtawen iti tallopulo ket siam ket sumangsango iti kaso a pito a kaso ti rape, tallo a kaso iti panangsimpa wenno panangpadaras iti trafficking para iti sexual exploitation, tallo a kaso iti assault a gappuanan ti actual damage iti bagi, ken 19 pay a kaso nga adda pakainaigan ti indecent images of a child ken extreme pornography.
Kabayatanna, ni Tristan Tate, agtawen iti tallopulo ket walo ket nakasoan iti maysa a sexual assault, dua a kaso ti rape, ken tallo a kaso iti panangsimpa wenno panagpadaras ti trafficking para iti sexual exploitation.
