VIGAN CITY- Agladladingit ti pamilya ni Langiden Vice Mayor Isidro Bueno I ita a baro a tawen agsipud ta natay ti anak ken apoko na pakairamanan ti maysa a a sangaili da nga ubing gapu iti pannakalmes da idiay Brgy. Quiliat, Langiden, Abra.
Nabigbig dagiti biktima a da Isidro Bueno II , inudyan a putot iti bise mayor , apoko na a ni Faye Bueno Millare ken ti sangaili da a ni Sheeny Bersalona a taga-Dangdangla, Bangued.
Segun ken ni PSInsp. Stephen Paguirigan, hepe ti Langiden PNP, isalbar kuma ni Isidro II ni Bersalona ngem saan na a kinabaelan isu a nalmes da pakairamanan iti kanakan na a ni Faye.
Mapapati a napigsa ti kuryente ti danum iti karayan idi napan nagdidigos dagiti biktima kaduada da Clarafe Millare kenni Princess Millare.
