Italeken ti maysa nga anak iti Provincial Government of Ilocos Sur iti agbalin a tignay ti pannakabaybay-ada idi impaagasda ti amana iti Ilocos Sur District Hospital-Narvacan.
Iti pannaki-uman ti Bombo Radyo Vigan ken ni Vanessa Joy De Castro, imbaga kenkuana dagiti nurse nga yakarda iti sabalin nga ospital ti amana gapu ta awanen ti bakante.
Nasakit ti nakem ni De Castro a saan man laeng a naikaskaso uray namin-ano a nagpakaasi nga uray ma-first aid la koma ti amana gapu iti panagbakwar ken panagiblengna iti dara.
Kinunana a saan pulos nga inasikgan dagiti nurse ket binuybuyada laeng nga adda iti stretcher ti amana uray no awan met ti tamtamingenda iti dayta a gundaway.
Ngem idi saannan a malapdan ti riknana a makapungtot bayat ti panangiluganda ti amana iti ambulansya a naggapu iti Sta. Maria, ket sa laeng ida nabagaan nga ibabada met laeng tapno mataming.
