Nangipila ti Anti-Money Laundering Council (AMLC) ti tallo a petition para iti civil forfeiture wenno panangibabawi ti assets a konektado iti flood control corruption kasaruno ti innem a bulan nga imbestigasion ken freeze orders.
Impaganetget ti AMLC a karaman iti petition dagiti asset dagiti indibidwal ken entities nga immunan nga inruaran ti Court of Appeals ti freeze orders.
Saan met nga impakaammo ti konseho dagiti nagan ken eksakto a gatad ti assets a karaman iti petition.
Iti agdama, pinalubosan ti Manila Trial Court ti dua a temporario nga asset preservation orders tapno ma-secure ti monetary instruments ken dagiti sanikua bayat a nakapenpen dagiti kaso.
Segun ti AMLC, ti maudi a panagipila ti civil forfeiture ket maudi nga addang tapno masigurado a maala dagiti ilegal nga asset a konektado iti maanomalya a flood control projects.
