Pinasingkedan ti US Embassy in Manila nga amin nga Afghan nationals a nagtalinaed iti pagilian tapno iproseso iti special immigrant visa-da ket nakapanawen ket adda itan idiay Amerika.
Inlawlawag iti embahada a nakurang duagasut laeng nga Afghan nationals iti simmangpet iti pagilian a nagiproseso iti SIV application-da kas maikontra iti immuna nga impormasyon nga umabot tallogasut iti pumanaw, a ti innem a pulo a porsiento ket menor de edad.
Tallogasut iti plano ngem naaddaanda iti agduduma a nagparikotan a pakairamanan iti medical ken personal withdrawals.
Kinumpirmarn ni US Embassy spokesperson Kanishka Gangopadhyay a ti naudi a batch a pimmanaw iti pagilian ket idi January 17 babaen ti commercial flight.
Innayonna a nagyaman iti gobierno iti Amerika iti gobierno iti Pilipinas iti pannakikammayetda ken suportar iti US efforts a tulongan iti Afghan Special Immigrants.
