VIGAN CITY – Dakkel iti posibilidad a mangabak ni United States President Donald Trump kontra ken ni dati a US Vice President Joe Biden iti presidential election ta sigurado a suportaran dagiti adda iti field industry idiay Amerika.
Iti pannaki-uman ti Bombo Radyo Vigan ken ni Bombo International Correspondent Carl Tomakin iti Columbus, Ohio, a maysa a negosyante iti nasao a pagilian, dagiti mannalon wenno blue color worker, pulis, hospital staff ken cemetery staff iti nangpangabak ken ni Trump idi 2016.
Segun ken ni Tomakin, naala ni Trump ti talek dagiti pulis idi naisayangkat iti riot idiay New York idi 2016 gapu iti panangsuportarna kadakuada ken panangitedna iti seguridad kadagiti pagtaengan kadagiti apektado nga agindeg.
Gapu iti dayta ket patienna a dakkel a tulong iti panangsupsuportarna kadagiti pulis nga isu iti mangibotos kenkuana inton November 3 presidential election.
Kabayatanna, sag-limapulo a porsiento iti suporta manipod ti Filipino Community iti nagbaetan da Trump ken Biden.
