Nagkari ti Amerika a mangsuporta iti Philippine nuclear energy development, babaen ti delegasion ti 16 a kompania ti Amerika a mangibagi iti intero a nuclear supply chain nga agdama nga adda idiay Manila.
Dagitoy a kompania ket mangkita kadagiti trade ken investment opportunities tapno matulongan ti Pilipinas para iti kasapulan nga enerhia.
Inyunay-unay ni US Ambassador iti Pilipinas a ni MaryKay Carlson ti umad-adu a pannakairaman ti US iti Philippine nuclear sector, ken inawaganna ti relasion ti US-Philippines nga “on hyperdrive”.
Napaliiw ni Carlson a napartak a nakinegosio ken nagpirma ti dua a pagilian iti civil nuclear agreement wenno 123 Agreement, idiay San Francisco idi napan a tawen, ken nagbalin a pakasaritaan ta napartak nga inpalubos ti Amerika iti kooperasyonada iti pannakausar ti nuclear energy.
