--Ads--
Nagdesisyon ti kamauddiananna ti United States a suplayan ti Israel kadagiti 500-pound bombs kalpasan ti temporario a panagsardengda gapu ta iti panangigiddan ti 2000-pound munitions iti isu met laeng a kargamento ket posible a mausar kadagiti populated areas.
Insardeng ti Washington ti pannakaipatulod ti bomba idi Mayo idi nangisayangakat ti Israel iti major ground operation idiay Rafah iti southern Gaza a nainget a kinontra ti gobierno ti Amerika.
Idi napan a bulan, inakusaran ni Israeli Prime Minister Benjamin Netanyahu ti administrasion ni President Joe Biden a mangtantan iti pannakaitulod dagiti armas iti Israel, nga agdama a makigubgubat idiay Gaza sipud idi October 7 attack.
Nainget met nga inlibak dagiti US Officials ti akusasyon.
-- ADVERTISEMENT --
