--Ads--
Sumangsango iti nakaro a pannakalugi ti industria ti blue swimming crab ti Pilipinas kalpasan ti panangiparit ti Amerika iti panagangkat iti Philippine crab meat.
Mapatta-patta nga umabot iti P6 billion agingga P7 billion iti tinawen ti mapukaw a pastrek ken rinibo a mangmangged ti mabalin a maawanan iti pagsapulan.
Saan a nakasurot ti Pilipinas kadagiti kasapulan a linteg ti US gapu iti proteksion dagiti marine mammal ken monitoring programs isu a napukaw ti kadakkelan a merkado ti pagilian ta umabot iti 90 a porsiento ti mairuruar a crab meat.
Nasurok-kumurang 10,000 met a mangngalap ken 4,000 agingga 5,000 a crab meat pickers iti nadumaduma a paset ti pagilian ti maapektaran.
-- ADVERTISEMENT --
