--Ads--
VIGAN CITY – Pimmusayen ti American Singer a ni Angela Bofill idiay California idi June 13 iti tawenna a pitopulo kas kinumpirmar ti managerna.
Nalatak isuna kadagiti kantana a “This Time I’ll Be Sweeter,” “Angel of the Night,” ken “I Try,” kasta met a nagparang isuna iti pabuya a “Friends in Love” kadwana ni Sharon Cuneta.
Namitlon a binisita ni Bofill ti Pilipinas ; idi tawen 2000 idi nagperform isuna kadwana ni Christopher Cross , Kenny Rankin ken Rex Smith idiay Smart Araneta Coliseum , idi tawen 2004 idi nagperform isuna idiay Makati City ken ti pannakairelease ti album na a “Live in Manila” idi 2006.
Maangay ti punpon ni Bofill idiay St. Dominic’s Church Vallejo, California inton June 28,2024.
-- ADVERTISEMENT --
