--Ads--
Nabalkot iti napuskol nga asok gapu iti wildfire idiay Canada ti nalawa a paset ti Amerika, isu a nagballaag dagiti otoridad iti publiko nga agtalinaedda iti pagtaenganda.
Nairekord idiay Detroit ti kakarwan nga air quality iti lubong nga adda Air Quality Index a 600- doble iti lebel ti maibilang a ‘hazardous’ ti U.S. Environmental Protection Agency.
Maibasar iti rekord ti Amerika, immabot iti napeggad a lebel ti asok kadagiti estado ti Minnesota, Michigan, Illinois, Ohio, ken Ontario, Canada.
Nakairekord pay iti hazardous air quality dagiti siudad ti Minneapolis, Milwaukee, ken Toronto, idinto a saan a nababbaba ngem iti 10 nga estado ti nakapadas iti saan a nasalun-at a kalidad ti angin.
-- ADVERTISEMENT --
