Dua ti natay idinto a maysa ti nadunor iti pannakatambang ti grupo ni dati a Mayor Artemio Donato idiay Sitio Palicad, Poblacion Pilar, Abra.
Nabigbig dagiti natay a da Brgy. Captain Froilan Bueno, taga-Brgy. Quillat, Langiden ken ni Kevin Bueno idinto a nadunor ni Sonny Bisares.
Segun iti Pilar Municipal Police Station, nakaawatda iti report mainaig ti pammaltog ket insigida a nagresponde iti kameng ti pulisya ket nasangpetanda iti black Montero SUV a nakasardeng ti bangir a parte iti kalsada.
Nakita dagiti kameng ti pulis ni Bueno, driver ti Montero SUV a nagsagaba iti tama iti paltog ti ulona a puon nakatayanna ken ti dua a kaduana ket naitaray ti balay pagagasan ngem natay met laeng ni Bueno idinto a matamtaming ti maysa a nadunor.
Maibasar iti imbestigasyon, pito a lugan ti mayoralty candidate ti naggapu idiay Poblacion, Pilar nga agturong idiay Villaciosa, Abra idin ta pinaputukan daytoy dagiti suspek.
