--Ads--
Natay ti tallo manipud kadagiti innem a naglugan iti ambulance helicopter a nagswek iti kabaybayan ti southwest Japan.
Segun iti Japan Coast Guard, karaman kadagiti natay ti agtawen-iti-walopulo ket innem a pasyente a ni Mitsuki Motoishi, ti caretaker-na a ni Kazuyoshi Motoishi ken medical doctor a ni Kei Arakawa.
Naisalakan met dagiti tallo pay a naglugan iti ambulance helicopter agraman ti piloto a ni Hiroshi Hamada, Kazuto Yoshitake, helicopter mechanic ken ti nurse a ni Sakura Kunitake, agtawen iti duapulo ket walo.
Napasamak ti aksidente kabayatan ti panagturong ti helicopter iti maysa nga ospital idiay Fukuoka tapno idiay nga agasan ti pasyente manipud iti airport idiay Nagasaki prefecture.
-- ADVERTISEMENT --
