VIGAN CITY– Nadunor iti ulo ken bagi iti maysa a lalaki a tinagbat iti mismo nga ama na idiay Brgy. Sagayaden, Cabugao.
Iti biktima ket isu ni Melchor Arce, agtawen iti uppat a pulo ket tallo, baro, maysa a construction worker, ket iti suspek ket iti ama na a ni Marcelino Arce, agtawen iti innem a pulo ket lima, agpada nga agnaed iti nasao a lugar.
Maibasar iti imbestigasyon, nakainom iti biktima ket nagprobokar iti pagtaengan da a nagdadaelan na dagiti sumagmamano a kagawaan da iti kusina idi ginandat iti ama na nga anawaen ngem saan a nagsardeng isu’t gapu na a nangala iti ama na iti badang ket tinagbat nan iti biktima iti mamin-adu a daras.
Naitaray idiay Pira Clinic and Hospital iti biktima para iti pannakataming na idinto nga iti suspek, pakairamanan iti buneng a naaramat, ket naipan iti kustodiya dagiti pulis.
Naammuan babaen kenni PSI Ramil Llaneras, hepe ti PNP-Cabugao, a saan laeng a daytoy a gundaway a nagprobokar iti biktima ngem ketdi, kanayun nga agprobokar nu makainom iti arak.
