--Ads--
VIGAN CITY– Hustisya agingga itatta ti kiddaw ti pamilya ti pilot trainer ken estudyante a natay kalpasan a nagswek iti nagluganan da a Cessna plane idiay Santiago, Ilocos Sur.
Babaen ti tulong ti Bombo Radyo Vigan ket nasapulan ni Rod Robles, ama ti natay a pilot student a ni Bianca Robles, iti tallo a testigo a nakakita iti panagswek ti eroplano kalpasan a naisab-it iti zipline.
Nagsubli idiay Sabangan, Santiago ni Rod ta kayat na iti makaala iti testimonya dagiti posible a testigo iti napasamak a mangpatibkre iti kaso nga ipila da kontra iti fyling school a nagaplikaran ken nagsanayan ni Bianca.
