VIGAN CITY– Pagtitinnulungan dagiti alumni ti College of Law dagiti naduma-duma a nalatak a univseristy ditoy pagilian iti panangidepensa ni Supreme Court Chief Justice Maria Lourdes Sereno ti bagi na nu maiyulin idiay Senado ti naipila nga impeachment case kontra kenkuana.
Segun ken ni Atty. Josa Deinla, maysa kadagiti pannakangiwat ni Sereno, sumagmamano kadagiti mangbukel iti legal counsel iti chief justice ket dagiti kadua na idi ti College of Law ti University of the Philippines ken dagiti sumagmamano ket idiay Ateneo de Manila University nga idaulwan ni Atty. Alex Poblador.
Ni Pablador ket isu ti abogado ni Senadora Grace Poe ti balligi a panangidepensa na ti bagi na kas maysa a natural-born Filipino citizen, malaksid laeng iti panagbalin na a founding member iti Poblador Bautista& Reyes law firm ket dagiti private prosecutors na nga isu da Atty. Joseph Joemer Perez kenni Atty. Mario Bautista ti rason nu apay a napatapuwak iti puwesto ti pimmusay a dati a chief justice Renato Corona.
