--Ads--
VIGAN CITY – Pinasingkedan ni Governor Ryan Singson a no kayat ti Department of Education a maituloy latta iti panagadal dagiti agad-adal ket masapol nga agpanunotda iti alternatibo a learning system.
Segun kenni Gov. Singson, masapol a kitaen a nalaing iti pagsayaatan dagiti agad-adal ta gapu iti covid-19 ket narisgo dagiti agad-adal iti pangta iti nasao a sakit.
Kinunana a mabalin nga online iti aramiden ti DepEd ngem masapol latta nga ikonsiderar iti kasasaad dagiti agad-adal ta dadduma ket nabuntog iti internet-da.
Gapu iti dayta, kinuna pay ti gobernador a nasaysayaat laengen no saan pay nga aglukat iti klase ken agtalinaedda kadagiti pagtaenganda tapno saan a mairisgo iti salun-at dagiti agad-adal.
-- ADVERTISEMENT --
