Allawig idiay China, nakatayan iti lima a tattao

Lima a tattao ti kumpirmado a natay ta natamaanda ti allawig idiay Shangdong, China.

Napasamak iti allawig iti Heze City a nakairamanan pay idiay Dongming ken Juancheng.

Malaksid iti nairekord a natay ket nadunor pay dagiti walopulo ket walo a tattao.

Segun kadagiti otoridad, umabot ti 2,820 a pagtaengan, uppat a pulo ket walo a power supply lines ken nasurok uppat a ribo nga ektarya iti mula iti naapektaran.