Impila ti Department of Justice (DOJ) ti kaso nga innem a pulo ket dua a bilang iti money laundering kontra ken ni dismissed Bamban Mayor Alice Guo iti Capas Regional Trial Court mainaig iti mapapati nga illegal nga aktibidad ti Capas Regional Trial Court (POGO) iti ilina.
Kinumpirmaran ni Presidential Anti-Organized Crime Commission executive director Gilbert Cruz a naipilan ti DOJ National Prosecution Service iti innem a pulo ket dua a panaglabsing ti Republic Act 9160 wenno Anti-Money Laundering Act of 2001 kas naamyendaran ti Republic Act 10365 iti naipila ken ni Guo.
Dagiti kaso ket karaman dagiti duapulo ket innem a bilang ti transacting with illicit monetary instruments or property iti salinong ti Section 4 iti RA 9160; lima a bilang iti facilitating money laundering wenno converting, transferring wenno panagaramat ti assets manipod saan a maikalintegan nga aktibidad iti salinong ti Section 4 iti RA 9160, ken tallo pulo ket maysa a bilang ti conspiracy to commit money laundering iti salinong ti Section 4 iti RA 9160.
Dagiti kadua ni Gou a naakusaran iti tallopulo ket maysa a bilang ti conspiracy ti commit money laundering ket dagiti tallopulo a tattao pakairamanan da Jian Zhong Guo wenno Angelito Guo alyas Angelito dela Cruz Guo; Lin Wenyi alyas Wen Yi Lin alyas Amelia Leal; Shiela Leal Guo alyas Mier Zhang; Seimen Leal Guo; Zhiyang Huang alyas Boss Wang ken Rachelle Joan Carreon.
