Napalubosan nga agpiyansa ni Dismissed Bamban, Tarlac Mayor Alice Guo iti dua a kaso na a graft iti Valenzuala Regional Trial Court Branch 282.
Iti hearing baben kenni Judge Elena Amigo Amano, pinadas ni Atty. Stephen David, abogado ni Guo, a maaddaan ti status quo tapno agtalinaed ni Guo iti custodial facility ti PNP gapu ta maibilang a high profile ti kliyentena.
Nupay kasta, kinuna ti korte nga adda surat a kiddaw ti ti House of Representatives a mangala iti kustodia ni Guo gapu iti Contempt Order-na, ngem inton lunes pay laeng a mapagsasaritaan ti korte, ket no mapasamak maibalud ni Guo iti Valenzuela BJMP.
Gapu dayta nagmosyon ni Atty David nga agpiyansa lattan ti kliyentena.
Immanamong met ni Judge Amano, ngem inyunay-unay ti Ombudsman prosecution team nga agbalin a triple ti piansa ni Guo ta maibilang a High risk.
Manipud iti dati a ₱90,000 iti kada bilang ti graft, naingato ti piyansa ni Guo iti ₱540,000.
Ngem uray no nakapiansa ni Guo maibalud latta gapu iti kasona nga Qualified Human Trafficking iti Pasig RTC.
