Mapapati a nagusar ni dismissed Bamban Tarlac mayor Alice Guo iti lookalike na tapno maliklikanna dagiti otoridad, segun kadagiti National Bureau of Investigation (NBI) agent a nangkuestion kenkuana idiay Indonesia sakbay ti panagsublina ditoy Pilipinas.
Inenterogate dagiti operatiba ti NBI ni Guo idi Sept. 5 bayat nga ur-urayenna ti clearance manipud kadagiti autoridad ti imigrasion ti Indonesia.
Nangipakita ni NBI assistant director for investigation service a ni Lito Magno ken ni Guo ti ladawan ti maysa a babai a kalanglangana ket dinamagna no isu daytoy, ngem inlibak ni Guo nga isuna ti adda iti ladawan, no di ket maysa kadagiti staff-na a mabilang a “slimmer version” na.
Segun iti NBI source, mabalin a nagusar ni Guo ti doppelgängers wenno lookalikes kas decoy tapno mayaw-awan dagiti operatiba manipud iti Bureau of Immigration, NBI ken Philippine National Police.
