--Ads--
Ngimmato iti maika-innem a pulo ket maysa ti puesto ni Alex Eala iti kabaroan a WTA rankings kalpasan ti historical a panangabakna iti Guadalajara 125 Open idiay Mexico, ta isuna laeng ti umuna a Pilipina a nangabak iti WTA singles title.
Gapu iti balligina, ngimmato iti sangapulo ket uppat ti ranggo ni Eala manipud iti dati a maika-pitopulo ket lima.
Inabakna ni Panna Udvardy ti Hungary iti final, iti score a 1-6, 7-5, 6-3, iti maysa a come-from-behind win.
Ti 20 years old a tennis star ket dati nga immabot iti career-high ranking a World No 56, ken agdama a maikatlo a seed iti umadani a Sao Paulo Open, maysa a WTA 250 tournament idiay Brazil ita a lawas.
-- ADVERTISEMENT --
