Nalpasen ti kampania iti Wimbledon ni Pinay tennis star Alex Eala.
Saan a nangabak ni Eala iti kaunaan a panagay-ayamna iti Wimbledon kontra ti defending champion a ni Barbora Krejcikova iti iskor a 6-3, 2-6 ken 1-6.
Iti umuna a set ket iggem ni Eala ti pangabak ngem iti maikadua ken maikatlo a set ket impakita ni Krejcikova iti laingna iti panagay-ayam kontra ti ranked 56 player.
Nangabak ti Czech player ta iggemna iti 5-0 a puntos iti maikadua a set.
Ni Krejcikova ket saan a nagay-ayam iti quarterfinals iti Lexus Eastbourne Open idi napan a lawas gapu ti injury idinto nga immabot ioti finals ni Eala iti nasao a torneo.
Dinayaw met ni Czech player ni Eala ta nakigtot isuna iti umuna a round.
Sumarunon a makalaban ni Krejicikova ni World No. 66 Caroline Dolehide wenno World No. 94 Arantxa Rus iti maikadua a round idinto a ni Eala ket agay-ayam iti women’s doubles kadua ni Eva Lys a pakilabananda kada Olga Danilovic ken Anastasia Potapova.
