Naibaban iti Blue manipod iti Red Alert Status iti National Disaster Risk Reduction and Management Council (NDRRMC) dagti ili idiay Cebu ken Davao Oriental kalpasan iti panagtama iti napapigsa a ginggined iti lugar.
Iti napirmaan a memorandum ni Office of Civil Defense (OCD) Deputy Administrator for Operations Assistant Secretary Cesar Idio, immakaren iti early recovery phase iti nasao nga operasyon.
Mainaig dayta ket makasublin kadagiti detailed unit officers kadagiti unit-da.
Kabyatanna, ti Virtual Emergency Operations Center ket agtalinaed nga aktibo para iti insigida a panagresponde nu kas bilang maaddaan ti insidente.
Siguradoen met ti NDRRMC nga agtultuloy iti pannakikammayetda kadagiti maseknan nga ahensya ken agbantay kadagiti naapektaran a lugar.
