VIGAN CITY – Inruaren ti Provincial Government iti Alert Level 3 Guidelines a maipatungpal inton bigat Enero 16 nga agpaut agingga inton Enero 31, 2022.
Maipalubos nga ag-operate iti agingga tallopulo a porsiento nga indoor venue capacity para kadagiti fully vaccinated a tattao idinto a limapulo a porsiento iti outdoor venue capacity.
Maipalubos iti panaglukat iti venues para kadagititaripnong, incentives, conference ken exhibitions; limitado a face-to-face classes kadagiti higher education; Intrazonal ken Interzonal travel; Amusement parks wenno theme parks; recreational venues, cinema ken movie houses; in-person religious gatherings, licensure wenno entrance/qualifying examinations; dine-in services iti food preparation establishment; personal care establishments; fitness studios, gym ken venues para iti non-contact exercise ken sports; film music ken television production; visitor wenno tourist attractions ken innem a pulo nga on-site capacity iti government agencies nga adda home arrangements-na.
Dagiti saan a naipalubos nga ag-operate bayat ti pannakaibayog ti Alert level 3 iti probinsia ket ti face-to-face in-person classes para iti basic education; contact sports malaksid laeng iti naisayangkat ti salinong iti bubble-type setup; funfairs wenno perya ken kid amusement industries; kadagiti venue nga addaan ti live voice wenno wind-instrument performers ken audiences; casino, horse racing, cockfighting ken operasyon ti cockpits, lottery ken betting shops ken dadduma pay a gaming establishments; ken panagpasken nga adda iti kadua a sabali a saan a bumalay iti maysa a pagtaengan.
