Inladawan ni Vice President Sara Duterte a dagiti alegasion kontra iti asawana a ni Mans Carpio ken ti kabsatna a ni Davao City Rep. Paolo Duterte a konektadoda iti maipagarup a shabu shipment ket maibilang a “political harassment.”
Dayta ket kalpasan a nagtestigo ti dati nga opisial ti Bureau of Customs (BOC) Jimmy Guban sakbay ti joint congressional hearing ta naibaga kenkuana a kukua ni Paolo Duterte, Mans Carpio, ken former presidential economic adviser Michael Yang ti 2018 ti multi-billion-peso shabu shipment a nakumpiskar idi 2018.
Segun iti bise presidente, amin a maibagbaga iti pamilyana ket ibilangna a political attacks ken rimuar dagita nga issue idi pinanawanna ti Department of Education.
Innayonna a saan a maibilang nga star witness ni Guban ta saan nga agibagbaga ti kinapudno ken awan kredibilidadna agsipud ta nai-contempt isunan ti Senate Blue Ribbon Committee gapo ti panagsalawasaw na
Nupay kasta, kinuna ti bise presidente a bay-anna a sungbatan a mismo ni lakayna dagiti alegasion.
Innayonna a ti political attack kontra iti pamiliana ket maysa laeng a “distraction” manipud kadagiti pudno a problema a sangsangwen ti pagilian
VC – VICE PRES SARA DUTERTE
Kabayatanna, namnamaen ni VP Dutrte a maipila ti impeachment case kontra kenkuana ngem namnamaenna a saan a maawit dagiti kailian kadagiti isyu iti pulitika.
Inlawlawagna pay nga awan ti label ti estado ti relasyonda kenni Pres Ferdinand Marcos Jr agsipud ta saandan nga agkitkita ken saanda pay a nakapagsinnarita
VC – VICE PRES SARA DUTERTE
