Sagsaganaan ti probinsia iti Albay ti posibilidad ti full-scale eruption iti bulkang Mayon ken agbalin nga epektona kadagiti umili iti nasao a probinsia.
Segun ken ni Albay Governor Noel Rosal, isagsaganan ti probinsia iti mabalin nga aramiden no kas bilang kumaru pay iti panag-alburuto iti bulkan pakairamanan ti nalawa nga evacuation kumparar iti agdama a maar-aramid.
Iti agdama ket umabot iti tallo a ribo a tattao iti inisyal a naibakwit ngem nu kumaru iti sitwasyon ken maipangato ti alerto ket posible nga umabot iti agingga 700,000 a tattao iti naibakwit.
Kagiddan dayta iti panagsapul ti gobierno ti mayannatup a lugar a permanente a mabalin a pagnaedan dagiti residente nga agtaltalinaed kadagiti 6-kilometer Permanent Danger Zone (PDZ) karaman iti pannakisarita kadakuada tapno panawan iti lugar.
Siguradoen met iti gobernador a saan nga ilaksid ti provincial government ti livelihood wenno pagsapulan dagiti maapektaran nga umili.
