Nagun-od ti Alas Pilipinas Women ti kaunaan a silver medal ti pagilian iti SEA V Cup kalpasan ti panangabakda kontra Indonesia iti score a 25-13, 23-25, 25-19, 33-31, idiay Thailand.
Kalpasan ti nainget a laban nga immabot iti marathon fourth set, nakalasat ti Alas Pilipinas kadagiti walo a set points ti Indonesia sakbay a naselyoan ti pangabak.
Nagtabla pay dagiti dua a grupo iti 31-all sakbay nga immarangkada ti Pilipinas.
Nagpannuray ti crucial block a da Fifi Sharma ken ni Jia de Guzman tapno lapdan ti Indonesia, sakbay a nagkamali ti kalaban iti drop shot ken maited ti Pilipinas ti historical a pangabakda.
Gapu dayta, naartapan ti Alas Pilipinas dagiti innem a bronze-medal finishes-na sipud nayestablisar ti torneo idi 2019, nga idi ket naawagan nga ASEAN Grand Prix sakbay a nagbalin a SEA V.League ken SEA V Cup.
