Para kenni Senador Bato Dela Rosa, dagiti alegasion kontra kadagiti kameng ti pamilia Duterte ket scripted ken saan a nakapappapati.
Plano ti Senador a mangirugi iti imbestigasion a kapada ti maysa a House panel a nangdakamatan ti dati nga opisial ti Bureau of Customs security ken ni Davao City Rep. Paolo Duterte ken ti asawa ni Bise Presidente Sara Duterte a ni Manases Carpio nga adda pakainaiganda iti panagipuslit iti iligal a droga.
Segun ken ni Dela Rosa, isagsagananan ti resolusion a mangaw-awag iti imbestigasion iti “very unbelievable and illogical” nga alegasion ni Jimmy Guban nga adda pakainaigan da Duterte ken ti kayong na iti panagipuslit iti illegal a droga, pakairamanan ti P11 billion a gatad ti shabu wenno methamphetamine hydrochloride a nakumpiskar idi 2018.
Inakusaran ni Dela Rosa dagiti kalaban dagiti Duterte nga inusarda ti Guban a mangdadael iti pamilia ti dati a presidente.
