Simmango iti panagdengngeg ti Senate Committee on Women ti aktres a ni Angel Aquino tapno ibutaktak ti pannakabiktimana iti deepfake pornography.
Iti panagdengneg, inlanad ni Aquino no kasanona a naamuan a biktima isuna iti deepfake ta naipan iti maysa a porn video ti rupana.
Segun ken ni Angel, narigatan ken naapektaran isuna iti pasamak, ket saanna a maawatan no ania ti mariknana ken no asino ti asikganna tapno agpatulong.
Uray ti digital creator a ni Queen Hera ket imbutaktakna ti digital assault iti anakna a menor de edad, a ti ladawanna ket naipan iti dark web.
Mangnamnama dagiti dua iti tulong ken maital-o ti gakat a mangpapigsa iti Spaces Act tapno maited ti naan-anay a proteksion kadagiti babbai ken agtutubo kontra iti deepfake ken ti saan a nasayaat a pannakaaramat ti artificial intelligence (AI).
