Sumangsango iti reklamo a panangdangran iti National Bureau of Investigation ti aktres a ni Rhian Ramos; beauty queen-actress Michelle Dee ken beauty queen politician Samantha Panlilio.
Maibasar iti reklamo ti personal driver ni Ramos, pinagtitinnulongan ida a dangran wenno itorture dagiti tallo iti pagtaengan ti aktres idi Enero 17.
Kagapgapuda iti taping ti aktres a ni Ramos idi pinagtinnulongan a bugbugen dagiti bodyguard ti aktres ti biktima iti pagtaenganna iti 39th floor Makati residential complex.
Ginandatna ti agpakamatay ngem naisagud iti kable isu a naipan iti 25th floor.
Bayat ti panagbabana ket nakita manen dagiti bodyguard ti aktres ket pinagsublida iti 39th floor ket dita a simmangpet da Dee ken Panlilio.
Mapapati a naglabus ni Dee ken pinilitna nga ipaiggem iti biktima ti maselan a paset ti bagina ken binuyatanna iti arak.
Isu pay ti gundaway a binugbog manen dagiti bodyguards ti aktres ken pinilitda nga uminom iti isbo.
