VIGAN CITY – Umaboten ti 217 ti aktibo a kaso ti covid-19 iti probinsia ta nanayunan ti sangapulo ket maysa.
Pito iti nainayon a nalaingan isu nga umaboten iti 21,847 idinto nga agtaltalinaed a 376 iti total death.
Manipod nangrugi ti pandemia ket umaboten ti 22,440 iti kumpirmado a kaso.
Kaaduan latta ti kaso ti covid iti siudad ti Vigan ta uppat a pulo ket dua, sinaruno ti Bantay a duapulo ket uppat, idiay Sinait a sangapulo ket walo; sag-sangapulo ket dua idiay Cerantes ken Tagudin; sag-sangapulo idiay Candon City, Sta. Catalina ken Sto. Domingo; siam idiay Magsingal.
Sag-pito idiay Cabugao, Narvacan ken Salcedo; innem idiay Galimuyod ken San Juan; sag-lima idiay Caoayan ken Santa; sag-uppat iti ili ti Sta. Lucia ken Suyo; sag-tallo iti ili ti San Vicente, Santiago ken Sta. Cruz; sag-dua iti Quirino ken San Ildefonso; ken saggaysa iti Banayoyo, Burgos ken Sigay.
